ڕەوا جەمال کۆنسێرتێک ساز دەکات

ئاڤا نیوز

هونەرمەند ڕەوا جەمال لە دیدارێکی هونەریدا لەگەڵ ئاڤا میدیا باس لە نوێترین کار و پرۆژە هونەرییەکانی دەکات، دەڵێت پلانی کۆنسێرتی هەیە و داوا لە هەوادارانی دەکات خۆیان ئامادە بکەن.

چیرۆکی سەرەکی: دیداری هونەری بەرنامەیەکی تایبەتی ئاڤا میدیایە، گرنگی بە کار و پرۆژە و ژیانی تایبەتی هونەرمەندان دەدات، هەرجارە و هونەرمەندێکی دیاری هەرێمی کوردستان لە بەرنامەکەدا میوانداری دەکرێت.

لێدوانی فەرمی: ڕەوا جەمال کە وێڕای کاری هونەری پزیشکە، لە وەڵامی پرسیارێکدا ئایا لە نێوان کاری پزیشکی و هونەردا کامەیان هەڵدەبژێرێت؟ دەڵێت: "بێگومان هونەر زیاتر لە ڕۆحم نزیکە و ئارامی بە دەروونم دەدات، چونکە لە کاری پزیشکیدا بەردەوام لە سترێس دایت".