مەحەممەد مونیر سەرباری نەخۆشییەکەی؛ بەرهەمێکی نوێ بڵاودەکاتەوە

ئاڤا نیوز

 

هونەرمەندی میسری، مەحەممەد مونیر لە دایک بووی ساڵی 1954ـە و خاوەنی 35 ئەلبوومی گۆرانییە لە پاڵ ڕۆڵبینینی لە چەندین فیلمێکی سینەماییدا. 

 

وێنە گەورەکە: ماوەیەکە دۆخی تەندروستی هونەرمەند، مەحەممەد مونیر تێکچووە و ڕەوانەی نەخۆشخانە کراوە، بەڵام چەند ڕۆژێکە لە نەخۆشخانە دەرچووە و هەر لەگەڵ دەرچوونی لە نەخۆشخانە سەرباری ئاگادارکردنەوەی لەلایەن پزیشکانەوە کە نابێت گۆرانی بڵێت، بەڵام بێ گوێدانە ئازارە زۆرەکەی دەستی کردووەتەوە بە گۆرانی وتن و ئامادەکاری بۆ ئەلبوومە نوێیەکەی دەکات کە وابڕیارە لە ساڵی 2025 بڵاوببێتەوە. 

 

لەلایەکی دیکەوە: ئاوازدانەری میسری، عەزیز شافعی چەند وێنەیەکی مەحەممەد مونیری لەگەڵ شاعیر، مونا عەدلی و دابەشکاری میوزیک، ئوسامە هندی بڵاوکردووەتەوە کەوا دیارە ئامادەکاری دەکەن بۆ ئەلبوومە نوێیەکەی مەحەممەد مونیر.