وەزیری دەرەوەی سووریا گەیشتە تاران

ئاڤا نیوز

 

باسم سەباغ، وەزیری دەرەوەی سووریا گەیشتە تارانی پایتەختی ئێران و لەگەڵ عەباس عێراقچی، هاوتا ئێرانییەکەیدا کۆبوویەوە.

چیرۆکی سەرەکی: ئەم سەردانەی سەباغ دوای سەردانەکەی عەلی لاریجانی، ڕاوێژکاری باڵای عەلی خامنەیی ڕێبەری باڵای ئێران دێت کە هەفتەی ڕابردوو سەردانی سووریای کردبوو و لەگەڵ بەشار ئەسەد، سەرۆکی سووریا کۆبووبوویەوە.

 

زانیاریی زیاتر: کۆبوونەوەکانی نێوان ئێران و سووریا لە کاتێکدان، هێرشەکانی ئیسرائیل بۆ سەر کەرتی غەززە و لوبنان بەردەوامن، هاوکات گرژییەکانی ڕۆژهەڵاتی ناوەڕاست لە زیادبووندان بەو پێیەی ئێران هەڕەشەی کردووە کە تۆڵەی هێرشەکەی ئەم دواییەی ئێسرائیل دەکاتەوە.