هەرێمی کوردستان و عێراق دوو ڕۆژی مێژوویی بەڕێدەکەن

ئاڤا نیوز

بڕیارە ڕۆژانی  20 و 21ـی ئەم مانگە بەهۆی بەڕێوەچوونی سەرژمێریی دانیشتووان قەدەغەی هاتووچۆی سەرتاسەری لە هەرێمی کوردستان و عێراق ڕابگەیێنرێت.

وێنە گەورەکە: بۆ ئەوەی پرۆسەی سەرژمێری بە ڕێكوپێكی و بێ گرفت بەڕێوەبچێت، لە دوای كاتژمێری 12ـی ئەمشەوەوە كە دەكاتە بەرەبەیانی ڕۆژی 20 مانگ، قەدەغەی هاتووچۆ لە سەرتاسەری هەرێمی كوردستان دەستپێدەكات و جوڵەی ئۆتۆمبێل و هاونیشتمانیان سنووردار دەبێت و تاوەكو کاتژمێر (12:00)ی شەوی 21 لەسەر 22ی11 بەردەوام دەبێت.

 

لێدوانی فەرەمی: ماجد سەیدساڵح، جێگری پارێزگاری دهۆک بە ئاڤای ڕاگەیاند، "لەو دوو ڕۆژە چەندین خاڵی پشكنین لە شار و شارۆچكەكان دادەنرێن، هەر کەسێک سەرپێچی بکات و پابەندی ڕیککارەکان نەبێت، بەپێی یاسا دەدرێتە دادگە.'

 

ئەوەی پێویستە بیزانیت: ئەم بڕیارە ئێشكگری فەرمانگەكان و هێزە ئەمنییەكان و ڕۆژنامەنووسان و ئەو كەسانە ناگرێتەوە كە پرۆسەی سەرژمێرییەكە ئەنجام دەدەن.

 
زانیاریی زیاتر: هەلی تۆماركردن ناو و زانیاریی بۆ هەر خێزانێك تاوەكو كاتژمێر 12ی شەوی 21ی مانگە، دوای ئەوە فۆرمى تۆمارى خێزان داده‌خرێت و هيچ خێزان و ناوێكی دیكە تۆمار ناكرێت.