خاوەنی ڕێستۆرانتەکەی هەولێر لەبارەی داخستنی ڕوونکردنەوە دەدات

ئاڤا نیوز

 

دوای ئەوەی بەهۆی نمایشکردنی خواردنێکی گران لە هەولێر ڕێستۆرانتێک بە بڕیاری ئومێد خۆشناو پارێگاری هەولێر داخرا، خاوەنی ڕێستۆرانتەکە لەڕێگەی ئاڤاوە ڕوونکردنەوە دەدات.

 

چیرۆکی سەرەکی: ڕۆژی دووشەممە، ڕێستۆرانتی 'ستیك هاوس' لە شاری هەولێر گرانترین جۆری خواردنی دروستکراوی بەناوی "کوردستان" نمایش کرد، کە وەک خۆیان دەڵێن مەبەستیان بوو ناویان بچێتە کتێبی گینسەوە، دواتر ئاڤا وەک بابەتێکی میدیایی مامەڵەی لەگەڵ هەواڵەکە کرد و بڵاویکردەوە، بەڵام دواتر دەنگدانەوەی زۆری لە سۆشیاڵ میدیا و بەدوایخۆیدا هێنا و کاردانەوەی جیاوازی لەناو خەڵک دروستکرد.

 

لێدوانی فەرمی: دکتۆر حه‌مید ئه‌حمه‌د، خاوه‌ن ڕێستۆرانتی 'ستیك هاوس' لە هەولێر بە  ئاڤا نیوزی ڕایگەیاند: "ناوی پیرۆزی كوردستانمان بۆ گرانبه‌هاترین خواردنی زه‌وی دانا، هەوڵماندا ڕیكۆردە جیهانیەكان بشكێنین و بۆ ئەو مەبەستە دوو ساڵ بە جدی هەوڵماندا، بەڵام دوای ڕاگەیاندنی هەوڵەکەمان، پارێزگاری هه‌ولێر به‌ چه‌ند بیانووییه‌ك تاكاتێكی نادیار قوفڵیان له‌ ڕێستۆرانته‌كه‌مان دا".

 

زانیاریی زیاتر:  " ئەو خواردنە بۆ فرۆشتن نەبوو، ئێمە لەگەڵ ستافەكەمان پێشتر قسەكان كرد، کە تەنها یەكجار ئەو جۆرە خواردنە دورست دەكرێت و بۆ شكاندنی ڕیكۆردە، ویستمان ڕیكۆرد تۆمار بكەین و ناومان بچێتە كتێبی گینسەوە.". خاوەنی ڕێستۆرانتەکە وادەڵێت.