دابەشکردنی زەوی لە ئیدارەی ڕاپەرین دەستپێدەکات

ئاڤا نیوز

 

لە شەش شارەوانیی سنووری ئیدارەی ڕاپەڕین شوێن بۆ دابەشکردنی زەوی ئامادەکراوە، دوای گەڕانەوەی ڕەزامەندی ئەنجوومەنی وەزیران قۆناغی یەکەمی پرۆسەکە لەو سنوورە دەستپێدەکات.

 

وێنە گەورەکە: لە قۆناغی یەکەمی پرۆسەی دابەشکردنی زەوی بەسەر فەرمانبەران و خانەنشینان، لەکۆی چوار ئیدارەی سەربەخۆی هەرێمی کوردستان، تەنیا لە زاخۆ تیروپشک بۆ دابەشکردنی زەوی کرا، دوای تەواوکردنی ڕێکارە کارگێڕییەکان پرۆسەکە فراوان دەبێت، لە ئیدارەکانی ڕاپەرین، سۆران و گەرمیان دابەشکردنی زەوی دەستپێدەکات.

 

ئەوەی پێویستە بیزانیت: 24 هەزار و 500 فەرمانبەر و خانەنشین لە سنووری ئیدارەی ڕاپەرین زەوی وەردەگرن، لە کۆی 13 شارەوانی، شەش شارەوانی زەوی پێویستیان نییە بۆ دابینکردن، لە سێ شوێنی دیکەش بەهۆی ناڕەزایی جووتیاران شوێن یەکلایی نەکراوەتەوە.

 

لێدوانی فەرمی: ئاوارە کوێخا عەلی، بەڕێوبەری گشتیی شارەوانیەکانی ڕاپەرین بە ئاڤا نیوزی گوت: لەماوەی 15 ڕۆژی داهاتوودا تیروپشک بۆ  دابەشکردنی زەوی لە سنووری ئیدارەی ڕاپەرین دەکرێت، تاوەکو ڕەزامەندی لەسەر فۆڕمەکان نەگەڕێتەوە ژمارەی ئەو کەسانەی لە قۆناغی یەکەم زەوی وەردەگرێت ڕوون نابێتەوە.