شێخ دارا: بەفر لە ناوچە شاخاوییەکان دەبارێت

ئاڤا نیوز

 

شێخ دارا، پێشکەشکاری کەشوهەوا پێشینی بارینی بەفر لە ناوچە شاخاوییەکان دەکات و دەڵێت، کەشەکە زۆر سارد دەبێت، هاوکات پێشبینی خۆیشی بۆ سێ ڕۆژی داهاتوو دەخاتە ڕوو.

 

لێدوانی فەرمی: شێخ دارا، شارەزا و پێشکەشکاری کەشوهەوای ئاڤا لە گەشتی هەواڵەکانی کاتژمێر 07:00 ڕایگەیاند: " کاریگەری شەپۆلەکانی دەریای سپی ناوەڕاست لاواز بووە لەسەر ناوچەکانمان، هاوکات لە ڕۆژانی هەینی، شەممە و یەکشەممەی داهاتوو کەشوهەوا خۆش دەبێت".

 

ئەوەی پێشبینی دەکرێت: لەبارەی هاتنی یەکەم شەپۆلی سەرمای زستان شێخ دارا دەڵێت "بەمزووانە یەکەم شەپۆلی سەرمای وەرزی زستانە لە جەمسەری باکوور و دەریای سپی ناوەڕاست دێتەوە ناوچەکانمان، کە بەفر و باران لە ناوچە شاخاوییەکان دەبارێت.

 

لەلایەکی دیکە: "ئەگەرێکی لاوازیش هەیە بەفربارین بگاتە سەنتەری شارەکان، پلەکانی گەرماش زۆر دادەبەزن" شێخ دارا وادەڵێت.