لە قۆناغی داهاتووی سەرژمێری 70 پرسیارەكە ئاراستەی خێزانەكان دەكرێ

ئاڤا نیوز 

 

بەرپرسێكی بەڕێوەبەرایەتیی ئامار، زانیاریی سەبارەت بە كاتی ئاراستەكردنی 70 پرسیارەكەی پرۆسەی سەرژمێری دەخاتەڕوو.

 

لێدوانی فەرمی: ئیبراهیم مەلا عەبدولڕەحمان، بەرپرسی سەرژمێری لە بەڕێوەبەرایەتیی ئاماری هەولێر بە ئاڤا نیوزی ڕاگەیاند: دوێنێ و ئەمڕۆ قۆناغی دووەمی پڕۆسەی سەرژمێری بوو بژمێرەكان كە سەردانی هەر ماڵێک دەكەن تەنیا فۆڕمی خێزان پڕ دەكەنەوە و زانیاریی سەبارەت بە تاكەكانی خێزان و پەیوەندییان بە سەرۆکخێزانەوە تۆمار دەكەن، بەگشتی دڵنیابوونەوەیە لەو زانیارییانەی كە تاوەكو 19ـی مانگ بژمێرەكان تۆماریان كردووە.

 

لەلایەكی دیكەوە: بەرپرسی سەرژمێری لە ئاماری هەولێر ئاماژەی بە ئەوە دا لە ڕۆژانی داهاتوو قۆناغێكی دیكەی سەرژمێری دەستپێدەكات و ئەمجارە بژمێرەكان 70 پرسیارەكە ئاراستەی خێزانەكان دەكەن كە چەندین تەوەر لەخۆ دەگرێت و لە داهاتوودا وەڵامی ئەو پرسیارانە بۆ حكومەتیش سوودی دەبێت.

 

ئەوەی پێویستە بیزانیت:  لە 22 تاوەکو 26 ئەم مانگە بژمێرەکان دووبارە لەبارەی چۆنیەتیی پڕکردنەوەی 70 پرسیارەکەی فۆرمی سەرژمێری ڕاهێنانیان پێدەکرێتەوە و قۆناغی كۆتایی لە 27ـی ئەم مانگەوە تاوەکو 16-12-2024، بەڕێوەدەچێت.