تۆپخانەیەکی سەردەمی جەنگی جیهانیی یەکەم لە تورکیا دۆزرایەوە

ئاڤا نیوز

 

دەسەڵاتدارانی ناوخۆی تورکیا باس لە دۆزینەوەی تۆپخانەیەک دەکەن کە 50 گوللە تۆپی تێدا بووە و مێژووەکەی دەگەڕێتەوە بۆ سەردەمی جەنگی جیهانیی یەکەم، ئەمەش دوای ئەوەی لێکۆڵینەوە بۆ ئەو گوللە تۆپانە کرا کە لەلایەن تیمەکانی شارەوانی دەدۆزرێتەوە.

 

چیرۆکی سەرەکی: تیمەکانی شارەوانی لە کاتی کارەکانی نۆژەنکردنەوەی کەناڵەکانی ئاوی پیس لە چەنەککەلێی تورکیا لە ڕۆژئاوای ئەو وڵاتە، 50 گوللە تۆپیان دۆزیوەتەوە کە مێژووەکەی دەگەڕێتەوە بۆ شەڕەکانی سەردەمی جەنگی جیهانیی یەکەم لەو ناوچەیەدا.

 

زانیاریی زیاتر: دوای ئەوەی کرێکاران تیمەکانی پۆلیس و جەندرمەی تورکیایان ئاگادار کردەوە، هاتنە شوێنەکە ئەوان گەمارۆی شوێنی هەڵکەندنەکەیان دا، پاشان کرێکاران بە شێوەیەکی ڕێکخراو یەک لە دوای یەک تۆپەکانیان لە زەوی دەرهێنا، ژمارەی گوللەتۆپە دەرهێنراوەکان گەیشتە 50 دانە.

 

 بڵاوکراوەی فەرمی: بەپێی هەواڵێکی ئاژانسی ئانادۆڵ، تیمەکانی سەر بە بەڕێوەبەرایەتیی ئاو و پاکوخاوێنی لە شارەوانی گالیپۆلی لەکاتی ئەنجامدانی کارەکانی هەڵکەندن بۆ نوێکردنەوەی ئاوەڕۆکان لە ناوچەی عەلادین، ئەو گولە تۆپانەیان دۆزیوەتەوە.