لە سەرسنگ چەند منداڵێک بەناوی ئەستێرەکانی تۆپی پێی بەرازیل ناونراون

ئاڤا نیوز

 

پیاوێک لە ناحیەی سەرسنگ، بەهۆی ئەو خۆشەویستیەی بۆ هەڵبژاردەی بەرازیلی هەیە، کوڕەکانی بەناوی ئەستێرەکانی تۆپی پێی وڵاتەکە دەکات.

 

وێنە گەورەکە: لە ناحیەی سەرسنگی سەر بە قەزای ئامێدی، بژمێرەکانی سەرژمێری چوونەتە ماڵێک و شۆک دەبن، بەوەی دەبینن سەرۆک خێزانێک تەواوی منداڵەکانی بەناوی ئەستێرەکانی تۆپی پێی بەرازیل ناوناوە.

 

لێدوانی فەرمی: زەیە میناس حەیە، باوکی منداڵەکان بە ئاڤا میدیا ڕاگەیاند، لە خۆشەویستی بۆ هەڵبژاردەی بەرازیل، تەواوی منداڵەکانی بەناوی ئەستێرەکانی ئەو هەڵبژاردەیە ناو ناوە، هاوکات کچێکیشی ناوناوە ڕیتا.

 

ئەمەش بزانە: زەیە میناس حەیە دەڵیت: لە خۆشەویستیم بۆ هەڵبژاردەی بەڕازیل ئەم ناوانەم لەسەر منداڵەکانم داناوە، کاتێک دەڕۆم بۆ فەرمانگەیەکی حکومی فەرمانبەرەکان تووشی سەرسوڕمان دەبن بەم ناوانە، دەشڵێت، هەر من نا، براکەشم ناوی کوڕێکی ماڕادۆنایە.

 

ئەوەی پێویستە بیزانیت: پیاوە مەسیحییەکە کوڕەکانی ناو ناوە، ڕیکاردۆ، ڕۆماریۆ، ڕۆبێرتۆ،  ڕیڤاڵدۆ، ڕۆناڵدینیۆ. کە ئەستێرەکانی تۆپی پێی بەرازیلن.