مەحموود مەشهەدانی بەشداریی كۆڕبەندی "مێپس2024" لە دهۆک دەكات

ئاڤا نیوز

 

مەحموود مەشهەدانی بەشداریی لە پێنجەمین كۆڕبەندی ئاشتی و ئاسایشی ڕۆژهەڵاتی ناوەڕاست "مێپس2024"  لە شاری دهۆک دەكات. 

 

وێنە گەورەکە: سبەی هەینی 22-11-2024، پێنجەمین كۆڕبەندی ئاشتی و ئاسایشی ڕۆژهەڵاتی ناوەڕاست "مێپس2024" لە زانكۆی ئەمەریكی – كوردستان لە شاری دهۆك دەستپێدەكات و سێ‌ ڕۆژ بەردەوام دەبێت.

 

لێدوانی فەرمیی: نووسینگەی سەرۆکی پەرلەمانی عێراق ڕایگەیاند: مەحموود مەشهەدانی سەرۆکی باڵاترین دەزگای یاسادانان لەعێراق  بەشداردەبێت لە كۆڕبەندی ئاشتی و ئاسایشی ڕۆژهەڵاتی ناوەڕاست "مێپس2024".

 

زانیاریی زیاتر: لە كۆربەندەكە نزیكەی 124 ئەكادیمیست لە 40 وڵاتی جیاوازە بەشداریی دەكەن كە 73%ـیان بۆ جاری یەكەم بەشدار دەبن، لە میانی كۆڕبەندەكەدا، ژمارەیەك پانێل و وۆركشۆپ لەبارەی دۆخی ئێستای جیهان و ڕۆژهەڵاتی ناوەڕاست بەڕێوەدەچن.

 

ئەمەش بزانە: لە ساڵی 2019ـەوە، ئەم کۆڕبەندە لەلایەن زانکۆی ئەمریکی کوردستان لە دهۆک ڕێکدەخرێت و دەیان بەرپرسی باڵای هەرێمی کوردستان و عێراق و کەسایەتی نێوخۆیی ناوچەکە بەشداری تێدا دەکەن.