پەیامێک لە هاتووچۆی کەرکووکەوە بۆ ئەو کەسانەی دەیانەوێت بگەڕێنەوە شارەکانیان

ئاڤا نیوز 

بەهۆی بەڕێوەچوونی پڕۆسەی سەرژمێریی گشتی لە عێراق و هەرێمی کوردستان، ماوەی دوو ڕۆژی قەدەغەی هاتووچۆ ڕاگەیێنرا و ژمارەیەکی زۆر هاووڵاتییانی سنووری کەرکووک و ماددەی 140 گەڕاونەتەوە زێدی خۆیان بۆ ئەوەی ناوەکانیان تۆمار بکرێت.

 

وێنە گەورەکە: حکومەتی هەرێمی کوردستان لە 15 ئەم مانگەوە پشووی فەرمی ڕاگەیاند بۆ ئەو هاووڵاتییانەی کە خەڵکی ناوچەکانی کەرکووک و سنووری ماددەی 140ن تاوەکو بتوانن بگەڕێنەوە زێدی خۆیان، ئەمەش وەکو هاندانێک تاوەکو لەو ناوچانە خۆیان لە پرۆسەی سەرژمێریی گشتیی دانیشتووان تۆمار بکەن، بەشێکی زۆریش لەو هاووڵاتییانەی گەڕاونەتەوە خەڵکی کەرکووکن. 

 

لێدوانی فەرمی: عەمید شوان ئیسماعیل، بەڕێوەبەری پۆلیسی هاتووچۆی کەرکووک، ڕایگەیاند: قەدەغەی هاتووچۆ لە سنووری کەرکووک تا ئێستا بە شێوەیەکی باش بەڕێوەدەچیت، ڕێنمایی ئەو هاووڵاتییان دەکەین کە لە دەرەوەی کەرکووکەوە هاتوون بۆ ناوشار، داوا دەکەین ئارام بگرن چەند کاتژمێرێکی کەمی ماوە، دوای تەواوبوونی ماوەی قەدەغەی هاتووچۆ دەتوانن لەسەرخۆ بگەڕێنەوە ناوەچەکانتان، تاوەکو تووشی ڕووداوی نەخوازراو نەبن.

 

زانیاریی زیاتر: پۆلیسی هاتووچۆی کەرکووک داواش لە شۆفێران دەکات، کە پابەندی ڕێنماییەکانی هاتووچۆبن لەکاتی گەڕانەوەیان بۆ ناوچەکانی خۆیان.