شاندێكی باڵای عێراق گەیشتە هەولێر

ئاڤا نیوز

 

كەمێك پێش ئێستا شاندێكی باڵای عێراق لەڕێگەی فڕۆكەخانەی نێودەوڵەتی هەولێرەوە، گەیشتنە پایتەختی هەرێمی كوردستان.

 

وێنە گەورەكە: سبەی هەینی ڕێككەوتی 22/ 11/ 2024، بە بەشداری سەرۆك بارزانی لە شاری دهۆك پێنجەمین كۆڕبەندی ئاشتی و ئاسایشی ڕۆژهەڵاتی ناوەڕاست 'مێپس-2024' لە زانكۆی ئەمریكی- كوردستان بەڕێوەدەچێت. بۆ بەشداریكردن لەم كۆڕبەندە، شاندێكی باڵای عێراق كە پێكهاتوون لە هەریەك لە حەیدەر عەبادی، سەرۆکی هاوپەیمانیی نەسڕ، قاسم ئەعرەجی، ڕاوێژکاری ئاسایشی نیشتمانی عێراق و ژمارەیەک سیاسەتمەدار و پەرلەمانتاران و ڕاوێژکارانی حکومەتی فیدڕاڵی عێراق، گەیشتنە هەولێر.

 

ڕاگەیێنراوی فەرمی: بەگوێرەی ڕاگەیێنراوی وەزارەتی ناوخۆی حكومەتی هەرێمی كوردستان، شاندە باڵاكەی عێراق لە فڕۆكەخانەی نێودەوڵەتی هەولێر، لەلایەن ڕێبەر ئەحمەد، وەزیری ناوخۆی حكومەتی هەرێمی كوردستان و ئامانج ڕەحیم، سکرتێری ئەنجوومەنی وەزیران و دكتۆر عەبدولحەکیم خەسرۆ، سەرۆکی فەرمانگەی هەماهەنگی و بەدواداچوون و ئومێد خۆشناو، پارێزگاری هەولێر، پێشوازیان لێكرا.

 

ئەوەش بزانە: كۆڕبەندی ئاشتی و ئاسایشی ڕۆژهەڵاتی ناوەڕاست 'مێپس-2024' لە زانكۆی ئەمریكی- كوردستان بۆ پێنجەمین ساڵی لەسەریەك بەڕێوەدەچێت، تیایدا بەرپرسانی باڵای هەرێمی كوردستان و عێراق و وڵاتانی ئیقلیمی و جیهان و كەسایەتیەكان تیایدا بەشداردەبن.