پلاندانانی عێراق ئاماری فەرمی پرۆسەی سەرژمێری 48 كاتژمێری ڕابردووی بڵاوكردەوە

ئاڤا نیوز 

 

بەگوێرەی ئاماری فەرمی سەنتەری ئۆپەراسیۆنەكانی سەرژمێری دانیشتووان لە وەزارەتی پلاندانانی عێراق ریژەی تۆماركردن لە 48 كاتژمێری پرۆسەكە لە زۆربەی پارێزگاكان گەیشتووەتە سەرووی 90% و لە پارێزگاكانی كەركووك، نەینەوا، دیالە، سەڵاحەددین، نزیکەی کۆی دانیشتووان تۆماركراون.

ئەوەی پێویستە بیزانیت: سەنتەری ئۆپەراسیۆنەكانی سەرژمێری دانیشتووان هۆكاری تەواونەكردنی ڕێژەكە لە بەشێك لە پارێزگاكان بۆ هەبوونی گرفتی تەكنیكی لە ئامێرەكانی تابلێت و پچڕانی هێڵی ئینتەرنێت گەڕاندەوە و ئاماژە بەوە دەكات سەرجەم گرفتە تەكنیكییەكان چارەسەركراون.

 

ڕاگەیێنراوی فەرمی: هەر بەگوێرەی ئەو داتایانەی دەست سەنتەری ئۆپراسیۆنەکانی سەرژمێری دانیشتووان کەوتووە، ژمارەی دانیشتووانی عێراق گەیشتووەتە، 46 ملیۆن و 410 هەزار و 558 کەس. 

 

زانیاریی زیاتر: بەفەرمانی سەرۆكوەزیرانی عێراق 24 كاتژمێر درێژكرایەوە بۆ گەیاندنی رێژەی تۆماركردنی دانیشتووان بە 100%.

 

ژمارەکان وادەڵێن: ئاماری فەرمی سەرجەم پارێزگای عێراق، بەگوێرەی داتای سەنتەری ئۆپراسیۆنی سەرژمێریی دانیشتووان. 

- بەغدا 80.48%
- نەینەوا 98.60%
- هەولیر 96.31%
- سلێمانی 94.76%
- بەسرە 89.85%
- بابل 94.78%
- ديالە 98.10%
- زیقار 86.84%
- نەجەف 92.27%
- کەرکووک 97.74%
- ئەنبار 95.99%
- سەڵاحەددین 98.16%
- کەربەلا 95.81%
- واست 98.68%
- دیوانییە 95.33%
- دهۆک 95.25%
- ميسان 91.23%
- مووسەنا 94.73%