بە بەشداری سەرۆک بارزانی پێنجەمین كۆڕبەندی 'مێپس' لە دهۆك بەڕێوەدەچێت

ئاڤا نیوز

 

ئەمڕۆ  هەینی پێنجەمین كۆڕبەندی 'مێپس-2024' بە بەشداری سەرۆك بارزانی لە دهۆک بەڕێوە دەچێت.

 

وێنە گەورەکە: ئەمڕۆ هەینی 22/ 11/ 2024، بە بەشداری سەرۆك بارزانی و زیاتر لە 120 سەرۆك و كەسایەتییەكانی جیهان و ناوچەكە و عێراق، پێنجەمین کۆڕبەندی ئاشتی و ئاسایشی ڕۆژهەڵاتی ناوەڕاست 'مێپس-2024' لە شاری دهۆك بەڕێوە دەچێت، تەوەری سەرەكی كۆڕبەندەكەش؛ ناكۆكییەكانی ناوچەكە و ئالیەتی ڕێگریكردنە لە فراوانبوونی گرژییەكان.

 

بڵاوکراوەی فەرمی: بەگوێرەی كارنامەی كۆڕبەندەكە كە وێنەیەكی بۆ ئاڤا میدیا ڕەوانەكراوە، لە پێنجەمین كۆڕبەندی مێپس كە زانكۆی ئەمریكی-كوردستان ڕێكیخستووە، چەند پانێڵێك لەبارەی دۆخی ناوچەكە و ڕێگەچارەكان بۆ كۆتاییهێنان بە گرژی و ئاڵۆزییەكان سازدەكرێن. بەتایبەت كە شەڕ بەرۆكی زۆربەی وڵاتانی گرتووەتەوە و تادێت فراوانتریش دەبێت.

 

زانیاریی بەدەسهتاوو: ئاڤا میدیا زانیویەتی زیاتر لە 120 سەركردە و كەسایەتیە عێراقی و هەرێمیی و نێودەوڵەتییەكان كە لە 40 وڵاتەوە هاتوون، بەشداری لەو كۆڕبەندە دەكەن ، بە ئامانجی ئەوەی گفتوگۆ و گۆڕینەوەی بۆچوونەكان، ببێتە پردێك بۆ لێك نزیككردنەوەی بۆچوونەكان و بیرۆكە و ڕێگەچارەی گونجاویش بخرێتە بەر دیدی لایەنەكان.