فەرماندەیی گشتیی هێزە چەکدارەکانی عێراق: لە پڕۆسەی سەرژمێریدا هیچ پێشێلکارییەکی ئەمنیی تۆمارنەکراوە

ئاڤا نیوز

 

فەرماندەیی گشتی هێزە چەکدارەکانی عێراق ئاشکرایکرد، لە پڕۆسەی سەرژمێریی گشتیی دانیشتووان هیچ پێشێلکارییەکی ئەمنی تۆمارنەکراوە.

 

وێنە گەورەكە: لە ڕۆژانی 20 و 21/ 11/ 2024، قۆناغی دووەمی پرۆسەی سەرژمێریی گشتیی دانیشتووان لەسەرجەم پارێزگاكانی عێراق و هەرێمی کوردستان بەڕێوەچوو، ئەمڕۆ هەینی سەرۆكوەزیرانی عێراق فەرمانی دا  پرۆسەی سەرژمێریی ئەو شوێنانەی ماون تەواو بکرێت، داواش لە هاووڵاتییان دەكات هاوكاریان بن.

 

لێدوانی فەرمی: لیوا یەحیا رەسوڵ، گوتەبێژی فەرماندەیی گشتیی هێزە چەکدارەکانی عێراق رایگەیاند: پڕۆسەی سەرژمێریی گشتیی دانیشتووان بێ هیچ کێشەیەک بەڕێوەچوو، هیچ پێشێلکارییەکی ئەمنی تۆمارنەکراوە و هەماهەنگیی باشی هاووڵاتیانیش لەگەڵ تیمەکانی سەرژمێریی دا هەبوو.

 

لەلایەکی دیکەوە: وەزارەتی پلاندانانی عێراق بڵاوی کردەوە، پرۆسەی سەرژمێریی ڕووبەڕووی هیچ گرفتێک نەبوونەتەوە، بەوپێیەش دەتوانن بڵێن کە پڕۆسەکە 100% سەرکەوتنی بەدەستهێناوە.