بەتەمەنترین مرۆڤی جیهان لە کوردستانە

ئاڤا نیوز

 

ژنێكی كوردی ئێزدیی خەڵكی شنگال، ئێستا بەتەمەنترین مرۆڤە لەسەر ئاستی جیهان.

 

زانیاریی بەدەستهاتوو: ڕەوشێ قاسم، ژنە كوردێكی ئێزدییە و لەدایكبووی ساڵی 1887ـە، تاوەكو ئێستا لەژیاندا ماوە و تەمەنی 137 ساڵە، ئەم زانیارییە لەلایەن تیمەكانی سەرژمێری پشتڕاستكراوەتەوە.

 

زانیاریی زیاتر: بەپێی تۆماری كتێبی گینس، بەتەمەنترین كەس لە جیهان ژنێكی ژاپۆنییە و تەمەنی 116 ساڵە، بەڵام بەپێی بەدواداچوونی ئاڤا ئەو ژنە ئێزدییە بەتەمەنترین مرۆڤی جیهانە بەڵام تاوەكو ئێستا لە كتێبی گینس تۆمار نەكراوە و كەسوكارەكەی داوا دەكەن تۆمار بكرێت.

 

ئەوەش بزانە: ڕەوشێ قاسم بە پێی خۆی هاتووچۆ دەكات و زۆرینەی ڕووداوەكانی ڕابردووی لەیاد ماوە و یەكێك لە ئاواتەكانی ئەوەیە جارێكی دیكە بچێتەوە شنگال و ئەو تەمەنەی كە ماویەتی لەوێ بەسەری ببات.