سەرۆکوەزیران مەسرور بارزانی: هیوادارم بیروبۆچوونەکانی کۆڕبەندەکە لە ناوچەکە سوودی لێ وەربگیرێت

ئاڤا نیوز

 

سەرۆکوەزیران مەسرور بارزانی، لە پێنجەمین کۆڕبەندی ئاشتی و ئاسایشی ڕۆژهەڵاتی ناوەڕاست 'مێپس-2024 و گوتاری بەخێرهاتنی پێشکەش کرد.

 

وێنە گەورەکە: ئەمڕۆ هەینی 22/ 11/ 2024، بە بەشداری سەرۆك بارزانی و زیاتر لە 120 سەرۆك و كەسایەتییەكانی جیهان و ناوچەكە و عێراق، پێنجەمین کۆڕبەندی ئاشتی و ئاسایشی ڕۆژهەڵاتی ناوەڕاست 'مێپس-2024' لە شاری دهۆك بەڕێوە دەچێت، تەوەری سەرەكی كۆڕبەندەكەش؛ ناكۆكییەكانی ناوچەكە و ئالیەتی ڕێگریكردنە لە فراوانبوونی گرژییەكان.

 

لێدوانی فەرمی: سەرۆكوەزیران مەسرور بارزانی بەخێرهاتنی ئامادەبووانی کۆڕبەندی مێپس'ـی کرد و ڕایگەیاند، هیوادارم بۆچوون و بڕیارەكانی دوو ڕۆژی ئەم کۆڕبەندە، بخرێنە بەردەست بڕیاربەدەستان لە هەرێمی کوردستان، لە عێراق و لە ناوچەکە و سوودی لێ وەربگرن.

 

لەلایەکی دیکە: لەبەشێکی دیکەی گوتارەکەیدا سەرۆکوەزیران مەسرور بارزانی دەستخۆشی لە خەڵکی کوردستان كرد بۆ ئەنجامدانی هەڵبژاردنێکی پەرلەمانیی سەرکەوتوو لە کاتێکدا کە ناوچەی ڕۆژهەڵاتی ناوەڕاست کە بە چەندین کێشە و گرفتدا تێپەڕ دەبێت.