"سێوی سوور" ڕێگری لە چەندین نەخۆشی دەکات

ئاڤا نیوز

 

سێوی سوور، یەکێکە لەو میوە گرنگانەی کە چەندین سوودی تەندروستی بۆ تەواوی جەستە هەیە، هاوکات یارمەتی بەهێزکردنی کۆئەندامی هەرسکردنی لەش و باشترکردنی پرۆسەی هەرسکردن دەدات، چونکە دەوڵەمەندە بە ڤیتامین، کانزا و ڕیشاڵەکان.

 

وێنە گەورەکە: سێوی سوور، بەو پێیەی ڕێژەیەکی زۆر لە ڕیشاڵی خۆراکی تێدایە کە پێویستە بۆ لەش، چونکە کار دەکات بۆ بەهێزکردنی کۆئەندامی هەرسکردنی لەش و باشترکردنی پرۆسەی هەرسکردن، لەگەڵ ئەوەشدا دژە ئۆکسانی تێدایە کە سوودی هەیە بۆ خۆپاراستن لە نەخۆشییە جۆراوجۆرەکان.

 

سوودەکانی سێوی سوور چین؟

 

• سێوی سوور تەندروستی دڵ باشتر دەکات بە کەمکردنەوەی ئاستی کۆلیسترۆڵی زیانبەخش لە خوێندا و بەهێزکردنی بۆرییەکانی خوێن، بەمەش یارمەتیدەرە بۆ کەمکردنەوەی مەترسی تووشبوون بە نەخۆشییەکانی دڵ، هاوکات ماددەی فلاڤۆنۆیدی تێدایە، کە تایبەتمەندی دژە هەوکردنی هەیە و بەم شێوەیە کاردەکات بۆ پاراستنی دڵ و خوێنبەرەکان لە خوێن تێکشکان.

 

• سێوی سوور ڕێژەی شەکر لە خوێندا ڕێکدەخات، هەربۆیە سوودی هەیە بۆ تووشبووانی شەکرە و ڕێگری لە مەترسی تووشبوون بە نەخۆشییەکە دەکات.

 

• پزیشکان پێیان وایە سێوی سوور لەش لە نەخۆشی دەپارێزێت و یارمەتیدەرە بۆ بەهێزکردنی سیستمی بەرگری لەش، بەهۆی ڕێژەی بەرزی دژە ئۆکسیدەکانی.

 

• یارمەتیدەرە بۆ بەرزکردنەوەی تەندروستی کۆئەندامی هەرس و باشترکردنی جوڵەی ڕیخۆڵە و ڕێگریکردن لە مەترسی قەبزی، بەهۆی ئەوەی ڕیشاڵی خۆراکی بەسوود لەخۆدەگرێت.

 

• لێکۆڵینەوەکان دەریانخستووە، خواردنی سێوی سوور یارمەتیدەرە بۆ کەمکردنەوەی ئەگەری تووشبوون بە شێرپەنجە جۆراوجۆرەکان، بەتایبەت شێرپەنجەی قۆڵۆن و مەمک، چونکە دژە ئۆکسانی تێدایە کە بەرەنگاریی ڕادیکاڵە ئازادەکانی لەش دەبێتەوە.

 

• خواردنی سێو بەشێوەیەکی مامناوەند یارمەتی لەش دەدات بۆ هەڵمژینی کالیسیۆم، ئەمەش دەبێتە هۆی باشتربوونی تەندروستی ئێسک و بەهێزکردنی، هەروەها ڕێگریکردن لە پووکانەوەی ئێسک، بۆیە بۆ کەسانی بەساڵاچوو و منداڵان سوودی هەیە.

 

• پزیشکەکان وەک بەشێک لە ڕێجیمەکە پێشنیازی دەکەن بۆ ئەوەی سوود لە سوودە تەندروستییەکانی وەربگرن، چونکە یارمەتی باشترکردنی تەندروستی مێشک و تەرکیز و بەرزکردنەوەی یادەوەری دەدات.

 

 

ئەمەش بزانە: سێوی سوور سوودی زۆری هەیە بۆ تەندروستی ئافرەتانی دووگیان، شارەزایانی بواری خۆراکیش ئامۆژگاری ئەوە دەکەن بە بەردەوامی بیخۆن، چونکە ڕێژەیەکی زۆری ئاسنی تێدایە، ئەمەش یارمەتیدەرە بۆ ڕێگریکردن لە کەمخوێنی و ئەو نیشانە و کێشە تەندروستییانەی کە ئافرەتی دووگیان بەدەستییەوە دەناڵێنێت.