سەرۆک بارزانی سەرەخۆشی لە ماڵباتی زاهیر ‌عەبدوڵڵا دەکات

ئاڤا نیوز

 

ئێوارەی ئەمڕۆ هونەرمەندی دیاری بواری شانۆ و درامای کوردی "زاهیر عەبدوڵڵا" کۆچی دوای کرد، بەم بۆنەیەوە سەرۆک بارزانی سەرەخۆشی ئاراستەی ماڵباتەکەی و هونەرمەندانی کوردستان دەکات.

 

ڕاگەیێنراوی فەرمی: سەرۆک بارزانی لە پەیامەکەیدا کە بارەگای بارزانی بڵاویکردووەتەوە، دەڵێت: بەداخێکی زۆرەوە هەواڵی کۆچی دوایی هونەرمەندی بواری شانۆ و دراما "زاهیر عەبدوڵڵا"م پێگەیشت، سەرەخۆشی ئاراستەی خانەوادە و کەسوکار و ئاشنایانی و سەرجەم هونەرمەندانی کوردستان دەکەم، "خۆم بە هاوبەشی خەمیان دەزانم و لە خوای گەورە داواکارم ڕۆحی بە بەهەشت شاد بکات".

لەلایەکی دیکەوە: سەرۆک بارزانی لە پەیامەکەیدا ئاماژە بەوە دەکات: زاهیر عەبدوڵڵا کەسایەتییەکی دیار و هونەرمەندێکی نیشتمانپەروەری هەولێر بوو، هاوکات دڵسۆزانە خزمەتی شانۆ و درامای کوردی کردووە.