مەسرور بارزانی: پێویستە عێراق لە ململانێکانی ڕۆژهەڵاتی ناوەڕاست دوور بکەوێتەوە

ئاڤا نیوز

 

سەرۆکوزیران مەسرور بارزانی بەپێویستی دەزانێت عێراق لە ململانێکانی ڕۆژهەڵاتی ناوەڕاست دوور بکەوێتەوە، ئامادەییش دەردەبڕێت وەکو هەرێمی کوردستان ڕۆڵی خۆیان لەو پێناوەدا بگێڕن.

وێنە گەورەکە: بەهۆی هێرشە بەردەوامەکانی گرووپەکانی بەرەی مقاوەمە لە عێراقەوە بۆ سەر ئیسرائیل، کە لەلایەن ئێرانەوە پشتگیری و هاوکاری دەکرێن، ئیسرائیل هەڕەشەی هێرشکردنە سەر بنکە و بارەگاکانیان دەکات و دوایین پەیامی هۆشداریشی بە حکومەتی عێراق داوە.

پەیامی فەرمی: سەرۆکوەزیران مەسرور بارزانی لە تۆڕی کۆمەڵایەتی ئێکس پەیامێکی بڵاوکردووەتەوە و دەڵێت: "پێویستە عێراق لە ململانێکانی ڕۆژهەڵاتی ناوەڕاست دوور بکەوێتەوە و بەرژەوەندییەکانی وڵات و دابینکردنی پێداویستییەکانی خەڵکەکەی خەمی سەرەکی و بنەمای مامەڵەکردن بێت لەگەڵ ناسەقامگیرییەکانی ناوچەکەدا". ئامادەییش دەردەبڕێت وەکو هەرێمی کوردستان ڕۆڵی خۆیان لەو پێناوەدا بگێڕن.

 

ئەمەش بزانە: دوو ڕۆژە پێنجەمین کۆڕبەندی مێپس 2024 لە شاری دهۆک بە بەشداریی 120 سەرۆک و سەکردەی بیانی و ناوخۆیی لەبارەی ئاشتی و ئاسایش لە ڕۆژهەڵاتی ناوەڕاست بەڕێوەدەچێت، ئەمڕۆش سەرۆکوەزیران مەسرور بارزانی لە دیدارێکی کۆڕبەندەکەدا  تیشکی خستە سەر گرنگترین ئاڵنگارییە ئەمنییەکان لە ناوچەکەدا.