پەرلەمانی عێراق ئەم هەفتەیە کۆدەبێتەوە

ئاڤا نیوز

 

دوای تەواوبوونی پرۆسەی سەرژمێریی گشتیی دانیشتووان، پەرلەمانی عێراق لەم هەفتەیە دەست بە دانیشتنەکانی دەکاتەوە و بەگوتەی پەرلەمانتارێکیش بە ئەگەری زۆرەوە ڕۆژی دووشەممە پەرلەمان کۆدەبێتەوە، تاوەکو ئێستاش لایەنە سیاسییەکان هیچ ڕیککەوتنێکی پێشوەختەیان نیە لەسەر ئەو بابەتە. 

 

لێدوانی فەرمی: جەواد ئەلیاسری، ئەندامی پەرلەمانی عێراق بە ئاڤا نیوزی ڕاگەیاند: سەرۆکایەتیی پەرلەمان لەم هەفتەیە دا کاتی دەستپێکردنەوەی دانیشتنەکانی دیاری دەکات، بەڵام دانیشتنەکە هیچ کام لە یاساکانی کە کێشەیان لەسەرە تاوتوێ ناکات چونکە ڕێککەوتنی پێشوەختە نییە. 

 

زانیاریی زیاتر: ئەلیاسری ڕوونیشیکردەوە: یەکلاکردنەوەی یاساکانی مشتومڕ لەسەرەکان پێویستیی بە چەندین کۆبوونەوەی سیاسیی بەرفراوان هەیە و لەم کاتەدا کەشەکە لەبار نییە، ئەگەری هەیە پرسەکە درێژە بکێشێت بۆ دوای پشووی یاسادانان واتە بۆ ساڵی نوێ.

 

ئەوەی پێویستە بیزانیت: پەرلەمانی عێراق هەفتەی ڕابردوو ڕایگەیاند, کە ئەم هەفتەیە دانیشتنەکانی پەرلەمان دەستپێدەکات ئەوەش دوای تەواوبوونی سەرژمێریی دانیشتووان، پێشتریش سەرۆکایەتیی پەرلەمان لە 7-11-2024 درێژکردنەوەی وەرزی یاسادانانی بۆ مانگێک درێژ کردەوە ئ کە لە ١٩ی ئەم مانگەوە دەستپێدەکات.