کۆمیسیۆن ئەنجامی هەڵبژاردنی پەرلەمانی کوردستانی پەسەند کرد

ئاڤا نیوز

 

کۆمیسیۆنی باڵای سەربەخۆی هەڵبژاردنەکانی عێراق ئەنجامی کۆتایی هەڵبژاردنی خولی شەشەمی هەرێمی کوردستانی پەسەند کرد، بەرپرسێکی کۆمیسیۆنیش دەڵێت 'نووسراوێک ئاراستەی سەرۆکایەتی هەرێمی کوردستان دەکەین'.

 

لێدوانی فەرمییەکان: نەبەرد عومەر، سەرۆکی دەستەی هەڵبژاردنی کوردستان لە کۆمیسیۆنی باڵای سەربەخۆی هەڵبژاردنەکانی عێراق، بە ئاڤا نیوزی ڕایگەیاند: ئەنجامی هەڵبژاردنی خولی شەشەمی کوردستان و ناوی پەرلەمانتارەکان لەلایەن ئەنجوومەنی کۆمیسیارانەوە پەسەند کران.

 

نەبەرد عومەر گوتیشی: ئێستا نووسراوێک ئامادە دەکرێت و هەر ئەمڕۆ ئاڕاستەی سەرۆکایەتی هەرێمی کوردستان دەکرێت.

 

هەر لەو بارەیەوە جومانە غەلای، وتەبێژی کۆمیسیۆنی باڵای سەربەخۆی هەڵبژاردنەکانی عێراق ڕایگەیاند: ئەنجوومەنی کۆمیسیاران ئەنجامی کۆتایی هەڵبژاردنی پەرلەمانی هەرێمی کوردستانی پەسەند کرد.

 

زانیاریی زیاتر: سەرۆکایەتی هەرێمی کوردستان پێویستە پەرلەمان بۆ یەکەم کۆبوونەوە ڕابسپێرێت و ڕۆژەکەیان بۆ دیاری بکات.