برای پێشڕەو دزەیی: لەسەر ڕێچكەی پێشڕەوی برام بەردەوام دەبین

ئاڤا نیوز

دوای شەهیدبوونی پێشڕەو دزەیی و ژینای کچی، خانەوادەی پێشڕەو پێداگریی لەوە دەکەن کە لەسەر ڕێچکەی ئەو بەردەوام دەبن لە خزمەتکردنی هەرێمی کوردستان. 

چیرۆکی سەرەکيی: دوای ئەوەی سوپای پاسدارانی ئێران بە مووشەکی باليستیکی هێرشیان کردە سەر ماڵی پێشڕەو دزەیی، بەهۆیەوە خۆی و ژینای کچی و دوو کەسی دیکە شەهیدبوون؛ برای پێشڕەو دزەیی دووپاتیکردەوە درێژە بەکارەکانی براکەی دەدات و لە خزمەتکردنی هەرێمی کوردستان ناوەستن. 

لێدوانی فەرمیی: عومەر مەجید دزەیی، برای پێشڕەو دزەیی بۆ ئاڤا نیوز گوتی: پێشڕەو دزەیی تەنیا لە ئێمە نەڕۆی بەڵکو لە هەموو خەڵکی هەرێمی کوردستان ڕۆی، بۆیە بەڵێن دەدەین وەک خانەوادەی پێشڕەو لەسەر ڕێچکە و جێ پەنجەی ئەو بەردەوام بین لە خزمەتکردن.

باکگراوند: درەنگانی شەوی 15-1-2024، سوپای پاسدارانی ئێران بە مووشەک هێرشی کردە سەر ماڵی پێشڕەو دزەیی و بەهۆیەوە خۆی، ژینا کچە تەمەن 11 مانگەکەی، سەرمایەدارێکی هاوڕێی و کارگوزارێکی فلیپینی گیانیان لەدەستدا؛ شەش کەسی دیکەش بریندار بوون کە ئەندامانی خێزانەکەی و کارگوزارەکانی بوون.