لە کەرکووک دوو جووتیاری کورد دەستگیر دەکرێن

ئاڤا نیوز

 

لە کاتی کارکردن لە زەوییەکانیان، دوو جووتیاری کورد لەگوندەکانی پەڵکانە و شناغەی سنووری سەرگەڕان، لەلایەن سوپای عێراقەوە دەستگیرکران

وێنە گەورەکە: لە سنووری ناوچە دابڕاوەکان و ماددەی 140ی دەستووری زەویی جووتیارانی کورد بەردەوام کێشە و ناکۆکیان لەسەر بەهۆی دەستبەسەر داگرتنی ئەو زەوییانە لەلایەن عەرەبی هاوردەوە، مافی بەکارهێنانی زەوییەکان لەلایەن جووتیارە کوردەکانەوە پێشەلکراوە.

لێدوانی فەرمی: محەممەد ئەمین، نوێنەری جووتیارانی کورد لە ناوچەی سەرگەڕان بە ئاڤا نیوزی گوت: بەیانی ئەمرۆ یەکشەممە، دوو جووتیاری کورد لە کاتی کێڵانی زەوییەکانیان لە ناوچەی پەڵکانە، سوپای عێراق بەبێ هۆکار دەستگیری کردوون.

 

ئەوەی پێویستە بیزانیت: ئەمە لە کاتێکدایە پێشتر ڕێککەوتن کرابوو ئەو زەوییانەی کێشەیان لەسەر نییە، جووتیاران دەتوانن بەکاریان بهێن، بەڵام سوپای عێراق بێ گوێدانە ئەو ڕێککەوتنە جار جار جوتیارانی کورد دەستگیر دەکات.