کۆمیسیۆن نووسراوێک ئاراستەی سەرۆکایەتی هەرێمی کوردستان دەکات

ئاڤا نیوز

 

کۆمیسیۆنی هەڵبژاردنەکانی عێراق نوسراوێکی ئاراستەی سەرۆکایەتی هەرێمی کوردستان کرد و تێیدا ئەنجامی کۆتایی هەڵبژاردنی پەرلەمانی کوردستان و ناوی کاندیدە دەرچووەکانی پەسەندکرد.

 

وێنە گەورەکە: بە گوێرەى پەیڕەوى ناوخۆى پەرلەمانى کوردستان، سەرۆکی هەرێمی کوردستان لە ماوەی 10ڕۆژ لە دوای پەسەندکردنی ئەنجامەکانی هەڵبژاردن، بانگهێشتى پەرلەمانتاران دەکات بۆ کۆبوونەوەی سوێندخواردن، بەپێچەوانەوە ڕۆژی 11ـیەم لە دوای پەسەندکردنی ئەنجامەکانی هەڵبژاردن پەرلەمان دەتوانێت خۆی کۆببێتەوە.

 

نووسراوی فەرمی: بەگوێرەی نووسراوێک کە ڕۆژی یەکشەممە بە واژۆی عومەر ئەحمەد، سەرۆکی کۆمیسیۆنی هەڵبژاردنەکانی عێراق، ئاراستەی سەرۆکایەتی هەرێمی کوردستان کراوە ئاماژە بەوەشکراوە، دوای نوسراوەکەی دەستەی دادوەری هەڵبژاردنەکان لە 18ی تشرینی دووەمی 2024 و ڕەتکردنەوەی ئەو تانانەی لە ئەنجامی هەڵبژاردنەکانی پەرلەمانی کوردستان درابوون، ئەنجوومەنی کۆمیسیاران لە دواکۆبوونەوەی خۆیدا ئەنجامی کۆتایی هەڵبژاردنی پەرلەمانی کوردستانی پەسەندکرد.

 

لەلایەکی دیکەوە: کۆمیسیۆن لە نووسراوەکەیدا ناوی کاندیدە دەرچووەکانی بۆ خولی شەشەمی  پەرلەمانی کوردستانی ئاراستەی سەرۆکایەتی هەرێمی کوردستان کردووە.