نێچیرڤان بارزانی بەڵێنێک بە ئافرەتان دەدات

ئاڤا نیوز

لە ڕۆژی جیهانیی ڕووبەڕوونەوەی توندوتیژی دژی ژنان، سەرۆکی هەرێمی کوردستان دەڵێت،  پابەنديمان به‌ پاراستنی مافەکانی ژنان لە کوردستان نوێ دەکەینەوە.

وێنە گەورەکە: هەڵمەتی 16 ڕۆژی بەرەنگاربوونەوەی توندوتیژی دژی ژنان، هەڵمەتێكی جیهانییە ساڵانە لە زۆربەی وڵاتان، كۆڕ و سیمیناری پەیوەست بەو پرسە بەرێوەدەچێت و لە کوردستانیش بەردەوام ئەم ڕۆژە بەرز ڕادەگیرێت.

ڕاگەیێنراوی فەرمی:  نێچیرڤان بارزانی، سەرۆکی هەرێمی کوردستان  لە ڕاگەیێنراوێکدا پەیامێک ئاراستەی ژنان دەکات و دەڵێت: هەرێمی کوردستان پێشەنگ بووە لە پشتگیریکردنی مافەکانی ژنان و دابینکردنی دەرفەت بۆ بەشداریکردنیان لە ژیانی سیاسی و کارگێڕی بە یەکسانی لەگەڵ پیاودا. ئێمە باوەڕمان وایە کە ژن نەک تەنها هاوبەشێکی سەرەکييه‌ لە بڕیاردان، بەڵکو بنەمایەکە بۆ گۆڕانکاری و گەشەپێدانی بەردەوام.

زانیاریی زیاتر: نێچیرڤان بارزانی بەڵێن بە ژنانی کوردستان دەدات و دەڵێت: دڵنيايان ده‌كه‌ينه‌وه‌ كه‌ بەردەوام دەبین لە کارکردن بۆ نەهێشتنی هەموو جۆرەکانی توندوتیژی و جیاکارییەک به‌رانبه‌ریان و بەردەوام دەبین لە بەدیهێنانی دادپەروەری و یەکسانی و به‌هێزكردنى تواناكانيان بۆ جێبەجێکردنی ڕۆڵی گرنگیان لە خزمه‌تكردن و بنیاتنانی وڵاتدا