لیستی مووچەی مانگی 11 ڕادەستی وەزارەتی دارایی عێراق کرا

ئاڤا نیوز 

 

وەزارەتی دارایی و ئابووری حکومەتی هەرێمی کوردستان لە ڕاگەیێنراوێکدا ڕایگەیاند، لیستی مووچەی مانگی 11ـی مووچەخۆرانی هەرێمی کوردستانی ڕادەستی وەزارەتی دارایی حکومەتی فیدراڵ کرد، لە کاتێکدا ماوەی 20 ڕۆژە لیستی مووچەی مانگی 10 ڕادەست کراوە و تاوەکو ئێستا پارەکە خەرج نەکراوە.

 

وێنە گەورەکە: وەزارەتی دارایی هەرێمی کوردستان بۆ دابەشکردنی مووچەی مانگی 10ـی مووچەخۆران، پێویستی بە 996 ملیار دینار هەیە، تاوەکو ئەمڕۆ لەلایەن وەزارەتی دارایی حکومەتی فیدراڵەوە خەرج نەکراوە و بڕیارە لەم ڕۆژانە شاندێکی هەرێمی کوردستان سەردانی بەغدا بکەن.

 

ڕاگەیێنراوی فەرمی: وەزارەتی دارایی و ئابووری حکومەتی هەرێمی کوردستان لە ڕاگەیێنراوێکدا ئاماژە بەوەدەدات، ئەمڕۆ سێ شەممە 26-11-2024، لیستی مووچەی مانگی 11ـی  فەرمانبەر و مووچەخۆرانی هەرێمی کوردستان، لەلایەن نوێنەری وەزارەتی دارایی و ئابووری هەرێمی کوردستان ڕادەستی وەزارەتی دارایی حکومەتی فیدراڵ کراوە.

 

لەلایەکی دیکەوە: بە گوتەی سۆران عومەر، سەرۆکی فراکسیۆنی کۆمەڵ لە پەرلەمانی عێراق، "تەیف سامی وەزیری دارایی حکومەتی فیدراڵ بیانووی نوێی لەبەرامبەر خەرج نەکردنی مووچەی مانگی 10ـی مووچەخۆرانی هەرێمی کوردستان هەیە و داوای 400 ملیار دینار وەک داهاتی نەوتی چوار مانگی هەرێمی کوردستان دەکات."