سەرۆک بارزانی: کشانەوەی هاوپەیمانان بەبێ ئامادەکردنی پێشمەرگە و سوپای عێراق گرفتە

ئاڤا نیوز

 

سەرۆک بارزانی لە چاوپێکەوتنێکی تەلەڤزیۆنیدا ڕایدەگەیێنێ، عێراق زەرەرمەندە لەوەی پەڵکشێی جەنگی ڕۆژهەڵاتی ناوەڕاست بکرێت و دەشڵێت: مەترسیی داعش ماوە و کشانەوەی هاوپەیمانیی نێودەوڵەتی بێ ئامادەکردنی پێشمەرگە و سوپای عێراق دەبێتە کێشە.

 

وێنە گەورەکە: سەرۆک بارزانی لە چاوپێکەوتنێکدا لەگەڵ کەناڵی "سکای نیوز عەرەبی" ژمارەیەک پرسی ناوخۆیی و دەرەکی باس دەکات.

 

لێدوانی فەرمی: سەرۆک بارزانی ڕایگەیاند: هێشتا مەترسیی ڕێکخراوی داعش ماوە و کشانەوەی هاوپەیمانیی نێودەوڵەتی بێ ئامادەکردنی هێزەکانی پێشمەرگە و سوپای عێراق گرفتێکە بە تایبەتی هێزی ئاسمانیی عێراق لاوازە و  بەردەوامیی جەنگی ڕۆژهەڵاتی ناوەڕاست کێشەیە.  

 

زانیاریی زیاتر: "لە بەرژەوەندیی ئێمەدا نییە گرژی لەگەڵ تورکیا یان ئێران دروست ببێت و پەیوەندییمان ئاساییە لەگەڵ هەردوولا، بەڵام ڕێگە نادەین هیچ کەسێک دەستوەردان لە کاروبارمان بکات. سەرۆک بارزانی واشی گوت.

 

ئەوەی پێویستە بیزانیت: سەبارەت بە ناکۆکیی سوننەکان لەبارەی سەرۆکی پەرلەمان لە ماوەی ڕابردوودا سەرۆک بارزانی ئاماژەی بەوە کرد "لەسەر داوای لایەنە شیعەکان نێوەندگیریم لە نێوان لایەنە ناکۆکە سوننەکانی کرد بۆ ڕێککەوتن لەسەر یەک بەربژێر، بەڵام سوننەکان ڕێکنەکەوتن".