لە تاران خانمە هونەرمەندێکی کورد پێشانگایەک دەکاتەوە

ئاڤا نیوز

 

خانمە هونەرمەندێکی کورد لە تارانی پایتەختی ئێران پێشانگایەک بۆ کارە هونەرییەکانی دەکاتەوە. 

 

چیرۆکی سەرەکی: خانمێکی وێنەکێشی ڕۆژهەڵاتی کوردستان بە ناوی 'زەمانە کەتبی'، لە تەمەنی 74 ساڵیدا لە تارانی پایتەختی ئێران پێشانگایەکی بۆ تابلۆ هونەرییەکانی کردەوە.

 

زانیاریی زیاتر: یەکێک لە گرنگییەکانی ئەم پێشانگایە پڕ فرۆشی تابلۆکانی بوو، بەجۆرێک لە کۆی 38 تابلۆ 36 تابلۆیان بە نرخێکی گران فرۆشران.

 

ئەوەی پێویستە بیزانیت: چیرۆکی سەرەکی ناو تابلۆکان ژن و پیاوی کورد و جلی کوردی و هەڵپەڕکێی کوردی بوون.

 

باکگراوند: خانمە هونەرمەند 'زەمانە کەتبی' دانیشتووی شاری سنەی ڕۆژهەڵاتی کوردستانە و لە منداڵییەوە خولیای هونەر و وێنەکێشانی هەبووە، بەڵام دەرفەتی بۆ نەڕەخساوە کە بتوانێ هونەرەکەی نمایش بکات.