لە هەڵەبجە کۆمەڵێک فەرمانبەر بە گرێبەست دادەمەزرێن

ئاڤا نیوز

 

دوای بەڵێنی سەرۆكوەزیران مەسرور بارزانی، سەبارەت بە دامەزراندنی دەرچووان لە سنووری پارێزگای هەڵەبجە كە لەمیانەی سەردانێكی بۆ پارێزگاكە دابووی، بە فەرمانی نووسینگەی سەرۆكوەزیرانی هەرێمی كوردستان 28 كەس لە فەرمانگە جۆراوجۆرەكانی هەڵەبجە بە گرێبەست دادەمەزرێن.

نووسراوی فەرمی: لە نووسراوێكدا كە وێنەیەكی دەست ئاڤا میدیا كەوتووە و واژووی د.ئومێد سەباح، سەرۆكی دیوانی ئەنجوومەنی وەزیرانی بەسەرەوەیە، ئاماژە بەوە دراوە كە بە فەرمانی نووسینگەی سەرۆكوەزیرانی هەرێمی كوردستان بە لیستێك 28 كەس كە هەڵگری بڕوانامەی جۆراوجۆرن بەشێوەی گرێبەست لە پارێزگای هەڵەبجە دادەمەزرێندرێن.

زانیاریی زیاتر: بەپێی ناوەڕۆكی ئەو لیستەی كە هاوپێچی نووسراوەكە كراوە و ناوی 28 كەسەكەی تێدایە، ئەو كەسانە لە فەرمانگە و بەڕێوەبەرایەتییە جۆراوجۆرەكانی سنووری پارێزگای هەڵەبجە بەشێوەی گرێبەست دادەمەزرێنرێن.

 

دەقی نووسراوەکەی سەرۆكی دیوانی ئەنجوومەنی وەزیران

ناوی ئەو کەسانەی دامەزرێنراون