شەرابێك بە ناوی مێسی دەكەوێتە بازاڕ

ئاڤا نیوز

لیۆنێل مێسی، ئەستێرەی ناوداری جیهانی تۆپی پێ، ناوی دەچێتە سەر بووتڵێكی شەراب كە نرخەكەی 60 یۆریۆیە.

وێنە گەورەكە: لیۆنێل مێسی، ئەستێرەی تۆپی پێی ئەرژەنتینی، لەگەڵ كۆمپانیایەكی دروستكردنی شەراب گەیشتە ڕێككەوتن و بووتڵێكی نوێی شەراب بە ناوییەوە دەخرێتە بازاڕەكانەوە.

زانیاریی زیاتر: شەرابە تازەكە بە ناوی "لیۆنێل كۆلێكشن – Lionel Collection"ـە كە بە واتای تێكەڵەی لیۆنێل دێت و بە هەردوو جۆری شەرابی سوور و سپی دروست دەكرێت و نرخەكەشی بۆ هەر بووتڵێك 60 یۆریۆیە. 

ئەوەش بزانە: پێشتریش ئەستێرەی ناودارەكەی جیهانی تۆپی پێ، لەگەڵ ژمارەیەك كۆمپانیای بەرهەمهێنانی خواردنەوە كحولییەكان گرێبەستی ڕێكلامكردنی واژۆ كردووە، بەڵام ئەمە جاری یەكەمە ناوی بچێتە سەر بووتڵی شەراب.

باكگراوند: لیونێل مێسی كە ئێستا تەمەنی 37 ساڵە، براوەی هەشت خەڵاتی باڵۆن دۆر و شەش پێڵاوی زێڕە، تاكە یاریزانێكە كە زۆرترین دەسكەوتی جیهانی بۆ هەڵبژاردەی وڵاتەكەی و ئەو یانانەی یاری بۆ كردووە، بەدەستهێنابێت كە 34 نازناوی جیهانییە، هاوكات 841 گۆڵی بە درێسی هەڵبژاردەی ئەرژەنتین و یانەكانی بەرشەلۆنەی ئیسپانی، پاریس سان جێرمانی فەڕەنسی و ئینتەر میامی ئەمریكی تۆماركردووە.