دانیشتنی دادگەی فیدراڵیی عێراق لەبارەی پلەبەرزکردنەوەی فەرمانبەران دواخرا

ئاڤا نیوز

دادگەی فیدراڵیی عێراق، دانیشتنی ئەمڕۆی لەبارەی پلەبەرزكردنەوەی فەرمانبەرانی هەرێمی كوردستان دواخست، كە لەسەر سكاڵای نۆ هاووڵاتی هەرێمی كوردستان كرابوو.

زانیاری بەدەستهاتوو: ئەمڕۆ جارێكی دیكە دادگەی فیدراڵی عێراق، دانیشتنەكەی بۆ بڕیاردان لەسەر سكاڵای پلەبەرزكردنەوەی فەرمانبەرانی هەرێمی كوردستان بۆ ڕۆژی 17-3-2024 دواخست.

ئەوەی پێویستە بیزانیت: بڕیار بوو دادگەی باڵای فیدراڵی عێراق ڕۆژی 21-1-2024، ئەم سكاڵایە تاوتوێ بكات، بەڵام دانیشتنەكە دواخرا.

باكگراوند: بەهۆی شەڕی داعش و قەیرانی دارایی و نەناردنی بەشە بودجەی هەرێمی كوردستان لەلایەن حكومەتی عێراق، لە ساڵی 2016ـەوە پلەبەرزكردنەوەی فەرمانبەران ڕاگیراوە.