بەریتانیا دەستگیریکردنی شەش کوردی ڕاگەیاند

ئاڤا نیوز

 

دژەتیرۆری بەریتانیا لە لەندەن، دەستگیرکردنی شەش کوردیان  بەتۆمەتی هاوکاریکردنی پەکەکە ڕاگەیاند
 

لێدوانی فەرمی: هێلن فلەنگەن، فەرماندەی بەوەکالەت لە دژەتیرۆری بەریتانیا ڕایگەیاند: " ئەم شەش کەسەی لە درێژەی چالاکییەکانمان دەستگیرمان کردوون، بەگومانی کارکردنیان بووە لە چالاکی تیرۆرستی بۆ پەکەکە."

ئەوەی پێویستە بزانیت: دژەتیرۆری بەریتانیا ئاماژەی بەوە داوە، ماوەیەکە لە ناوچەی هارینگی لە باکووری لەندەن و حەوت شوێنی دیکە ژمارەیەکی زۆر کوردی تێدا نیشتەجێیە، چالاکییەکانی پەکەکە زیادی کردووە، ئێمەش لێکۆلینەوەمان بۆ ئەو شوێنانە کرد و سەرئەنجام 6 کەسمان سەر بە گرووپەکە دەستگیرکرد.

 

لەلایەکی دیکەوە: پۆلیسی بەریتانیا ڕایگەیاند: " چاڵاکییەکی سەر بە ڕێکخراوی پەکەکە هەبێت، بەتووندی دژی دەوەستینەوە.

باکگراوند: لەو 6 کەسەی دەستگیرکراون 4 یان پیاون و 2ـیان ئافرەتن، هەروەها لە ساڵی 2001ـەوە بەریتانیا پەکەکەی خستووەتە لیستی تیرۆرەوە.