پووتین و زێلێنسکی پەیامی سەری ساڵ ئاڵۆگۆڕ دەکەن

ئاڤا نیوز

 

لە پەیامێکی ڤیدیۆیدا هەر یەکە لە ڤۆلۆدێمیر زێلێنسکی سەرۆکی ئۆکراینا و ڤلادێمیر پووتین سەرۆکی ڕووسیا پەیامێکی تایبەت لەبارەی سەری ساڵ ئاراستەی گەلەکەیان دەکەن، ئۆکراینا جەخت لەوە دەکاتەوە ڕێککەوتن نزیکە، لەبەرامبەردا ڕووسیا پێیوایە نزیکە لە سەرکەوتنی جەنگ دژ بە ئۆکرانیا.

 

لێدوانی فەرمی: ڤۆلۆدێمیر زێلێنسکی، سەرۆکی ئۆکراینا، لە وتاری سەری ساڵی نوێدا، وتی، وڵاتەکەی دەیەوێت کۆتایی بە جەنگ بهێنێت ڕاشیگەیاند، ڕێککەوتنی ئاشتی لە سەدا %90 ئامادەیە، تەنیا لە %10 ماوەتەوە، ئەو 10%یە گرنگی خۆی هەیە، چونکە چارەنووسی ئاشتی و چارەنووسی ئۆکراینا و ئەوروپا دیاری دەکات.

 

لێدوانی لایەنی بەرامبەر: ڤلادێمیر پووتین، سەرۆکی ڕووسیا، لە پەیامێکی ڤیدیۆیدا بەبۆنەی هاتنی ساڵی نوێ، ڕایگەیاند، لەم شەڕەدا وڵاتەکەی سەردەکەوێت،پەیامێکی ئاڕاستەی سەربازانی وڵاتەکەی کرد و  وتی، ئێوە بەرپرسیارێتی شەڕکردن بۆ نیشتمانەکەتان گرتۆتە ئەستۆ، پشتیووانیتان لێی دەکەین باوەڕمان بە ئێوە هەیە و سەرکەوتن نزیکە.

 

ئەوەی پێویستە بیزانیت: لەگەڵ هاتنی ساڵی نوێ، شەڕی ڕووسیا و ئۆکراینا لە چوارەم ساڵی خۆی نزیکدەبێتەوە و هەوڵەکانی سەرکردایەتیی ئەمریکا بۆ کۆتاییهێنان بە کوشندەترین ململانێ لە ئەوروپا لە دوای جەنگی جیهانی دووەمەوە، لە چەند هەفتەی ڕابردوودا خێراتر بووە، بەڵام تاوەکو ئێستا بەهۆی ناکۆکیی لەسەر پرسی خاک و گەرەنتی ئەمنی هەردوولا نەگەیشتوونەتە ڕێککەوتنێک.