وەزارەتی پەروەردە 6887 قوتابیی دیكەی دابڕاو دەگەڕێنێتەوە بەر خوێندن

ئاڤا نیوز  

وەزارەتی پەروەردەی حكومەتی هەرێمی كوردستان ئەنجامی هەڵمەتی گەڕانەوە بۆ خوێندن لەساڵی 2024 -2025 ڕاگەیاند.

وێنە گەورەكە: وەزارەتی پەروەردەی حكومەتی هەرێمی كوردستان بە هاوبەشیی ڕێكخراوی یونسێف، بەردەوامە لە گەڕاندنەوەی ئەو قوتابیانەی كە لە خوێندن دابڕاون لە هەرێمی كوردستان، تاوەکو ئێستا 33 هەزار و 271 کەس گەڕێندراونەتەوە بۆ ناوەندەکانی خوێندن. 

 

لێدوانی فەرمی: ئالان حەمەسەعید، وەزیری پەروەردەی حكومەتی هەرێمی كوردستان لە كۆنفڕانسێكی ڕۆژنامەوانیدا ڕایگەیاند: بە پاڵپشتیی ڕێكخراوی یونسێف  وەزارەتی پەوردەی حکومەتی هەرێمی کوردستان لە ڕێگەی 238 کارمەند توانیویانە شەش هەزار و 887 قوتابی بۆ ساڵی نوێی خوێندنی 2024-2025 بگەڕێننەوە بۆ خوێندن.

 

 

زانیاری زیاتر: لە ساڵانی ڕابردوو و لە كابینەی نۆیەمی حكومەتی هەرێمی كوردستان 26 هەزار و 384 قوتابی گەڕێندراونەتەوە بۆ خوێندن، بەمەش كۆی گشتیی ئەو قوتابیانەی لە سەردەمی كابینەی نۆیەم گەڕێندراونەتەوە بەر خوێندن دەبێتە  33 هەزار 271 قوتابی.