مەكتەبی سیاسیی پارتی كۆدەبێتەوە

ئاڤا نیوز

 

ئەمڕۆ مەكتەبی سیاسیی پارتی دیموكراتی كوردستان بە سەرپەرشتیی سەرۆك بارزانی كۆدەبێتەوە.

 

زانیاریی بەدەستهاتوو: لەمیانەی كۆبوونەوەكەدا مەكتەبی سیاسیی تاووتوێی پێكهێنانی كابینەی دەی حكومەتی هەرێمی كوردستان و سەردانی شاندی حیزبەكە بۆ لای لایەنە سیاسییەكان و ناوەڕۆكی گفتوگۆكان دەكات، هاوكات هەر لە كۆبوونەوەكەدا گفتوگۆ لەبارەی دۆخی ناوخۆی عێراق دەكرێت.

 

ئەوەی پێویستە بیزانیت: دوو ڕۆژە سەردان و كۆبوونەوەی لایەنە سیاسییەكان بۆ پێكهێنانی كابینەی تازەی حكومەتی هەرێمی كوردستان دەستیپێكردووە و دوێنی شاندی پارتی لە سلێمانی لەگەڵ نەوەی نوێ و بزووتنەوەی گۆڕان کۆبووەوە و شاندی یەكێتیش لە هەولێر سەردانی کۆمەڵی دادگەریی كرد.