بەشێک لە بینای قوتابخانەکان لە سنووری پەروەردەی ڕاپەڕین مەترسی ڕووخانیان لەسەرە

ئاڤا نیوز

 

لە سنووری ئیدارەی ڕاپەڕین، بەشێک لە بینای قوتابخانەکان ئەوەنە کۆنن بەکەڵکی وانە گوتنەوە نایەن، ژوورەکانیان درزی گەورەگەورەیان بردووە، هەندێکی دیکەیان بەهۆی مەترسی ڕووخانەوە هەر داخراون.

 

ئەوەی لەبارەیە دەگوترێت: بۆ چارەسەرکردنی گرفتەکانی ئەم قوتابخانانە بەرپرسانی پەروەردەی گشتی ڕاپەڕین دەلێن: بەبڕیاری تایبەتی سەرۆکوەزیران مەسرور بارزانی، بڕی دوو ملیار دینار بۆ نۆژەنکردنەوەی ژمارەیەک قوتابخانە لەم سنوورە دەرچووە،  بەڵام نەبوونی پارەی نەختینەیی لەم سنورە کارەکانی ڕاگرتوە.

زانیاریی زیاتر: بەگشتی 30 باڵەخانە پێویستیان بە نۆژەنکردنەوە هەیە.

 

ژمارەکان وادەڵێن: لە سنووری بەڕێوبەرایەتی گشتی پەروەردەی راپەڕین بەهەردوو پەروەردەی ڕانیە و پشدەر نزیکەی 100 هەزار قوتابی لەخۆی دەگرێت کە دابەش بوون بەسەر 300 ناوەندی خوێندن.