بیرە نەوتەکانی کەرکووک مەترسی وشکبوونیان لەسەرە

ئاڤا نیوز

 

بیرە نەوتەکانی شاری کەرکووک مەترسی وشکبوونیان لەسەرە، بەگوێرەی زانیارییەکان کێشەکەیان دەمارە نەوتییەکانە، ئەو دەمارانەی لە قۆڵایی زەویدا سەرچاوەی نەوتی بیرەکانن.

 

لێدوانی فەرمی: لەبارەی وشکبوونی ئەو بیرەنەوتانە ئەندازیارێکی نەوت دەڵێت، "بەهۆی ئەوەی لە ساڵانی 90ـەکان پاشماوەی پاڵاوتنی نەوت دەکرایەوە ژێرزەوی، دەمارەکان نەخۆش کەوتوون و دەبێت لەژێر خاکدا چارەسەر بکرێن".

لەلایەکی دیکە: هەر سەبارەت بەهەمان کێشە پارێزگاری کەرکووک ئاماژە بۆ ئەوە دەکات، "لەگەڵ کۆمپانیای بی پی بەریتانی گرێبەستکراوە بۆ بوژاندنەوەی کێڵگە نەوتییەکان".

 

مەترسییە پێشبینیکراوەکان: دەمارە نەوتییەکانی کەرکوک لاواز بوون و مەترسی جددی ڕووبە ڕووی کێڵگە نەوتییەکانی کەرکوک بونەتەوە، ئەگەر دەمارە نەوتییەکان نەبوژێندرێنەوە، ئەگەری ووشک بوونەی بەشێکی بیرەنەوتەکانی کێڵگەکانی کەرکوک ئەگەرێکی چاوەڕوان کراو دەبێت.

 

زانیاریی زیاتر: بە نمونە لە ساڵانی هەشتاکان و بەپێی ئامارەکانی کۆمپانیان نەوتی باکور، بیری نەوت هەبوە تەنها خۆی 120هەزار بەرمیلی ڕۆژانە بەرهەمەکەی بوە، بەڵام ئێستا بە تەواوی کێڵگە نەوتییەکانی کەرکوک رۆژانە 245 هەزار بەرمیل نەوت بەرهەمیان هەیە.