سەرۆکی مەهەپە: پێویستە دەم پارتی و عەبدوڵڵا ئۆجەلان کۆببەنەوە

ئاڤا نیوز

 

لایەنە سەرەکییەکانی تورکیا کۆکن لەسەر ئەوەی پێویستە چارەسەری پرسی کورد بکرێت، بۆ ئەو مەبەستەش سەرۆکی مەهەپە دەڵێت، "پێویستە دەم پارتی و عەبدوڵڵا ئۆجەلان کۆببەنەوە".

وێنە گەورەکە: ماوەیەکە پرسی ئاشتی لە تورکیا دووبارە سەریهەڵداوەتەوە، هەموو پارتە سیاسییەکانی ئەو وڵاتەش دەیانەوێت ئەمجارە کەشتی پرسی ئاشتەوایی چەندین ساڵەی نێوان کورد و تورک بگەیێننە کەناری ئارامی.

 

لەلایەکی دیکە: دەوڵەت باخچەلی، سەرۆکی مەهەپە داوای ڕێکخستنتی دیداری نێوان دەم پارتی و ئۆجەلانی کرد، ئەم داوایە تەواوی میدیاکانی تورکیای هەژاند و کاردانەوەی لێکەوتەوە.

لێدوانی فەرمی: دەوڵەت باخچەلی، سەرۆکی مەهەپە ڕایگەیاند، "ئێمە لەسەر قسەکانی خۆمان ماوین، چاوەڕی دەکەین سەرکردەکانی دەم پارتی لە زیندانی ئیمڕاڵی لەگەڵ عەبدوڵڵا ئۆجەلان چاویان بەیەک بکەوێت.

 

بۆچوونی لایەنی بەرامبەر: لەبارەی پرسی ئاشتی لە تورکیا، تونجەر بەکرهان، هاوسەرۆکی دەم پارتی گوتی، "لە بەردەم 85 ملیۆن کەس دەمەوێت بپرسم، ئۆجەلان چی گوت؟ چی داواکرد؟ ئێمە ئەوە نازانین لە کاتێکدا پرسی ئاشتەوایی کورد لەئارادایە، ئێمە چۆن بزانین ئەو ڕای لەسەر ئەم پرسە چییە؟، ئەرک نەبێت گۆشەگیری سەر ئۆجەالن هەڵگرن بۆ ئەوەی بتوانین بیبینین".