پێکهاتەکان داوا دەکەن لە کابینەی نوێ وەکو نەتەوە مامەڵەیان لەگەڵ بکرێت

ئاڤا نیوز

 

پێکهاتەکان خۆیان یەکلاکردووەتەوە بەشداری لە پێکهێنانی کابینەی نوێی حکومەتی هەرێمی کوردستان بکەن؛ بۆ ئەو مەبەستەش داواکارییان هەیە.

 

وێنە گەورەکە: دانوستاندنەکان بۆ پێکهێنانی کابینەی نوێی حکومەتی هەرێمی کوردستان لە لایەن حیزب و لایەنە سیاسیەکان دەستی پێکردووە و بەردەوامە، هەر لەسەرەتاشەوە دوای هەڵبژاردن، پێکهاتەکان ویستی بەشداریکردنیان لە پێکهێنانی حکومەتی نوێ دەربڕی و داواش دەکەن، وەک نەتەوە مامەڵەیان لەگەڵ بکرێت، نەک وەک قەبارەی کورسیەکانیان.

 

زانیاریی بەدەستهاتوو: ئاڤا زانیویەتی پێکهاتەکان داوای ئەوە دەکەن لە سەرۆکایەتییەکانی، پەرلەمان، حکومەت و سەرۆکایەتی هەرێم و ئەنجوومەنی دادوەریی پۆست و بەرپرسیارێتییان پێبدرێت.

 

لەلایەکی دیکە: پێکهاتەکان داوا دەکەن بە قەبارەی ژمارەی کورسییەکانیان مامەڵەیان لەگەڵ نەکرێت، بەڵکو وەک نەتەوە مامەڵەیان لەگەڵ بکرێت.

 

زانیاریی زیاتر:  پێکهاتەی تورکمان جێگری سەرۆکی حکومەت و سەرۆکی هەرێمیان دەوێت، بەدەر لەو پۆستانەی لە کابینەی نۆیەم هەیانبوو.

 

ئەوەی پێویستە بزانیت: هەرچی کریستیانەکانیشن داوا دەکەن لە پێکهێنانی کابینەی نوێ پۆستێکیان لە فەرمانگەی پەیوەندیەکانی دەرەوەی حکومەتی هەرێم و پۆستێک لە ئەنجوومەنی دادوەریی هەرێمی کوردستان پێ بدرێت.