ناوی هەزار مامۆستای پاشکۆی خوێندنی باڵا بۆ ئەنجوومەنی وەزیران بەرزدەکرێتەوە

ئاڤا نیوز

 

وەزارەتی خوێندنی باڵا و توێژینەوەی زانستی لیستی پاشکۆی مامۆستایانی وانەبێژی خوێندنی باڵای بۆ ئەنجوومەنی وەزیران بەرزکردەوە، بەرپرسێکی خوێندنی باڵاش دەڵێت "دوو ڕۆژە لیستەکەمان بەرزکردووەتەوە".

 

لێدوانی فەرمی: د. توانا نەجەف، بەڕێوەبەری گشتیی فەرمانگەی کارگێڕی و دارایی لە وەزارەتی خوێندنی باڵا و توێژینەوەی زانستی، بە ئاڤا نیوزی ڕاگەیاند: لە ڕۆژی 16-11-2024، وەزیری خوێندنی باڵا واژۆی لەسەر لیستەکە کرد، بەڵام داوای لێکردنین پەلەی تێدا نەکەین، چونکە مامۆستایان پەیوەندییان دەکرد و وردبینی لە لیستەکەدا مابوو.

 

د. توانا نەجەف ئەوەشی گوت: دوای هەڵسەنگاندنی لیستەکە ڕۆژی 25-11-2024، لیستەکەمان بۆ ئەنجوومەنی وەزیران بەرزکردەوە.

 

زانیاری زیاتر: ژمارەی پاشکۆی مامۆستایانی وانەبێژی خوێندنی باڵا هەزار کەسە، ئێستا ئەنجوومەنی وەزیران کاری لەسەر دەکات.