مێرسیدس ئۆتۆمبێلەکانی بە کاتژمێری ئەپڵ دەبەستێتەوە

ئاڤا نیوز

 

کۆمپانیای مێرسیدس بێنز ڕایگەیاند، بەشێک لە تایبەتمەندییە گشتییەکانی ئۆتۆمبێلەکانی لەگەڵ کاتژمێری ئەپڵ دەبەستێتەوە، تاوەکو لە ڕێگەیەوە خاوەن ئۆتۆمبێلەکانی مێرسیدس بتوانن بەردەوام لەگەڵ ئۆتۆمبێلەکانیان لەسەر هێڵ بن و پێویست نەکات بگەڕێنەوە بۆ بەکارهێنانی مۆبایلەکانیان.

 

وێنە گەورەکە: کۆمپانیای مێرسیدس لە پلانیدایە تایبەتمەندی پەیوەستکردنی ئۆتۆمبێلەکان و کاتژمێرە زیرەکەکان ڕێکبخات، تاوەکو بەکارهێنەرانی بتوانن چاودێری ئۆتۆمبێلەکانیان بکەن کە تا چەند بارگاوی کراون یاخود چەند سووتەمەنیان تێدایە.

 

زانیاریی زیاتر: بەکارهێنەران دەتوانن لە مەودایەکی دوورەوە کار بە ئۆتۆمبێلەکانیان بکەن یاخود دڵنیاببنەوە لە داخستنی جامی ئۆتۆمبێلەکانیان.

 

ئەوەی پێویستە بیزانیت: لە ڕێگەی کاتژمێرە زیرەکەکانەوە شۆفێران دەتوانن بزانن ئۆتۆمبێلەکانیان لە کوێدا ڕاگرتووە.

 

لەلایەکی دیکەوە: هاوشێوەی مێرسێدس، چەند کۆمپانیای گەورەی جیهانی توانیویانە ئۆتۆمبێلەکانیان بە کاتژمێری زیرەکەوە ببەستنەوە، لەوانەش کۆمپانیای هۆندا، فۆرد و ڤۆلڤۆ.