لە ڕۆژئاوای كوردستان گرانبوونی نرخی سووتەمەنی ژیانی هاووڵاتیانی سەخت كردووە

ئاڤا نیوز 

 

گرانبوونی نرخی سووتەمەنی لە ڕۆژئاوای كوردستان، هاووڵاتیانی ناچاركردووە بەیەكجاری واز لە سۆپای نەوتی بهێنن و پەنا بۆ سۆپای داری ببەن.

 

وێنە گەورەكە: شەپۆڵێكی سەرماو سۆڵە ناوچەكانی ڕۆژئاوای كوردستانی گرتووەتەوە، لەپاڵ ئەوەش تادێت نرخی سووتەمەنی بەرزدەبێتەوە و هاووڵاتیان ناتوانن بەئاسانی دابینی بكەن.

 

ئەوەی پێویستە بیزانیت: بەهۆی گرانبوونی نرخی سۆپای نەوتی لە ڕۆژئاوای كوردستان، هاووڵاتیان پەنا بۆ كڕینی سۆپای دەستی دوو لە بازاڕی كۆنەفرۆشان دەبەن.

 

ڕاگەیێنراوی فەرمی: بەگوێرەی ڕوانگەی سووری بۆ مافەكانی مرۆڤ، سەرما و سۆڵە و نەبوونی سووتەمەنی، ژیان و گوزەرانی هاووڵاتیان بەگشتی و نیشتەجێبووانی نێو كەمپەكانی، سەخت و دژوار كردووە.

 

مەترسی پێشبنیکراو: لەگەڵ ساردتربوونی مانگەكانی وەرزی زستان و بەردەوامی دابەزینی پلەكانی گەرما، ترسی نەخۆشكەوتنی بەساڵاچووان و منداڵان زیاتر دەبێت، ئەمەش بەهۆی نەبوونی ئامێرەكانی گەرمكەرەوە و بەردەوامی گرانبوونی نرخی سووتەمەنی.

 

زانیاریی زیاتر: ئاوارەكانی نێو كەمپەكان بەهۆی هاوكاری نەکردنی حكومەت، داوا لە ڕێكخراوە خێرخوازە بیانی و نێوخۆییەكان دەكەن كەلوپەل و پێداویستی گەرمكەرەوەیان بۆ دابین بكەن.