سوپای عێراق لە کەرکووک هەڵدەکوتێتە سەر زەویی جووتیارانی کورد

 ئاڤا نیوز

 

 

جارێكی دیكە هێزێكی سەر بە سوپای عێراق هەڵدەكوتێتە سەر زەویی جووتیارانی كورد لە سنووری كەركووك.

لێدوانی فەرمی: محەممەد ئەمین، نوێنەری جووتیارانی سەرگەڕان بە ئاڤا نیوزی ڕاگەیاند: ئەمڕۆ هەینی هێزێكی سەر بە فرقەی هەشتی سوپای عێراق، هەڵیانكووتایە سەر زەوییە كشتوكاڵییەكانی جووتیارانی كورد لە سەرگەڕان، بەشێك لە كەلوپەلە كشتوكاڵییەكانیان شكاند و سیستەمی ئاوپرژاندنیشیان تێكدا و دۆخی دەڤەرەكەیان ئاڵۆز كرد.

 

زانیاریی زیاتر: لەلایەن پارێزگاری كەركووكەوە فەرمان بە هێزەكەی سوپای عێراق كراوە كە لە ناوچەكە بكشێنەوە، بەڵام تاوەكو ئێستا دۆخی ئاڵۆزی سەرگەڕان ئاسایی نەبووەتەوە.

 

باکگراوند: لەدوای 16ـی ئۆکتۆبەرەوە، لە سنووری كەركووك بەتایبەتی دەڤەری سەرگەڕان، زۆرترین جار لەلایەن سوپای عێراقەوە ڕێگری لە جووتیاران كراوە كار لە زەوییە كشتوكاڵییەكانیان بكەن، چەند جارێکیش هێرش کراوەتە سەر هاونیشتمانیانی دەڤەرەكە.