شاندی یەكێتی سەردانی نەوەی نوێ دەكات

ئاڤا نیوز

 

شاندی دانوستانكاری یەكێتیی نیشتمانیی كوردستان بۆ گفتوگۆی پێكهێنانی كابینەی تازەی حكومەت سەردانی جوڵانەوەی نەوەی نوێ لە سلێمانی دەكات.

 

زانیاریی بەدەستهاتوو: دوای ئەوەی لە ڕۆژانی ڕابردوو، شاندی دانوستاندكاری یەكێتی سەردانی هەریەك لە یەكگرتووی ئیسلامی و كۆمەڵی دادگەری و بزووتنەوەی گۆڕانی كرد، پاشنیوەڕۆی ئەمڕۆ هەینی 29-11-2024، شاندەكە سەردانی نەوەی نوێی لە شاری سلێمانی كرد.

 

زانیاریی زیاتر: شاندی یەكێتی و بەرپرسانی نەوەی نوێ ئێستا لە گفتوگۆدان و تەوەری سەرەكیی گفتوگۆكەش پێكهێنانی كابینەی دەی حكومەتی هەرێمی كوردستانە.

 

لەلایەكی دیكەوە: ئەمڕۆ هەینی 29-11-2024، ئاڤا نیوز بڵاوی كردەوە كە سەرەتای ئەم هەفتەیە شاندی دانووستانکاری پارتی دیموکراتی کوردستان، سەردانی یەکێتی نیشتمانی کوردستان دەکات، سەعدی ئەحمەد پیرە، گوتەبێژی یەکێتی بە ئاڤا نیوزی ڕاگەیاند: "گفتوگۆکان لەبارەی پێکهێنانی حکومەت و پۆستەکان دەبن".