حکومەتێکی نوێ لە فەڵەستین پێکدەهێنرێت

ئاڤا نیوز

بڕیارە دوای ڕاگەیاندنی " ئاگربەستی غەززە" و گۆڕینەوەی بارمتەکان، لە ماوەی دوو هەفتەی داهاتوودا "حکومەتێکی نوێ" لە غەززە ڕابگەیێنرێت. 

 

 بۆچی گرنگە: پێدەچێت ئەم ڕێککەوتنە، خواستی هەموو فەڵەستینییەکان و حکومڕانی داهاتوو لە کەرتی وێرانکراوی غەززە بەدی بهێنێت.

 

ئەوەی پێویستە بیزانیت: بەپێی هەواڵێکی کەناڵی عەرەبیە ماوەیەکە گفتوگۆ بۆ پێکهێنانی دەسەڵاتێکی نوێ لە فەڵەستین بەڕێوەدەچێت.

 

گۆشەیەکی دیکەی دیمەنەکە: حکومەتی ئێستا بە سەرۆکایەتیی محەمەد ئشتییە، "لە ماوەی هەفتەیەکدا دەستلەکارکێشانەوەی خۆی ڕادەگەیێنێت".

 

زانیاریی زیاتر: ئەو حکومەتە نوێیەی کە شوێنی دەگرێتەوە تەنیا لە "تەکنۆکراتەکان" پێکدێت.غەززە دوور دەبێت لە چەک و حکومەتێکی مەدەنی ئەو کەرتە بەڕێوەدەبات.

 

پێدراوە ڕاستەکان: زانیارییەکان دەریدەخەن کە محەمەد مستەفا، سەرۆکی سندووقی وەبەرهێنانی فەڵەستین، پێشنیاز کراوە بۆ سەرۆکایەتییەکە.

 

لەلایەکی دیکەوە:  ئیسرائیل بە هەموو شێوەیەک ڕەتیدەکاتەوە کە "بزووتنەوەی حەماس" لە پێکهێنانی حکومەت بەشداربێت.

 

باکگراوند: لەداوی دەستپێکردنی شەڕی غەززە، واشنتن فشار دەکات بۆ پێکهێنانی دەسەڵاتێکی نوێ لە فەڵەستین، بە مەبەستی یەکخستنی کەناری ڕۆژئاوا و غەززە، هەروەها "حکومڕانی گرتنەدەست" دوای کۆتاییهاتنی شەڕ.