سوپای ئیسرائیل ڕێگری لە گەڕانەوەی دانیشتووانی لوبنان دەکات

ئاڤا نیوز

 

لە دوای ڕاگەیاندنی ئاگربەست لە نێوان ئیسرائیل و حیزبوڵڵای لوبنان، بەشێک لە دانیشتووانی ئەو وڵاتە گەڕاونەتەوە ماڵە چۆڵکراوەکانیان، بەڵام سوپای ئیسرائیل هۆشداری دەدات لە گەڕانەوەی دانیشتووانی بەشێک لە گوندەکانی باشووری لوبنان.

 

چیڕۆکی سەرەکی: دوای دوو مانگ لە شەڕ و ململانێ لە نێوان ئیسرائیل و حیزبوڵڵا، دواجار بە نێوەندگیری ئەمریکا و فەرەنسا هەردوو لایەنی شەڕ ئاگربەستێکی 60 ڕۆژیان ڕاگەیاند و ڕاستەوخۆ ڕۆژی دوای ئەوە کەوتە بواری جێبەجێکردنەوە. 

 

زانیاریی  بەدەستهاتوو: سوپای ئیسرائیل ڕێگری دەکات لە گەڕانەوە دانیشتووانی زیاتر لە 60 گوند، لەوانەش 'ئەلحەبوریە، مەرجەعیون، شەقرە، یاتەر، چەند گوندێکی دیکە، سوپای ئیسرائیل دەڵێت، 'خۆتان لە گەڕانەوەی ئەو ناوچانە بەدووربگرن".