تەرمی ئەو دایک و منداڵەی لە ئاوی ئیجە خنکان دۆزرانەوە

ئاڤا نیوز

 

تەرمی ئەو دایک و منداڵەی لە سێ ڕۆژی ڕابردوو لە ئاوەكانی ئیجە لەنێوان یۆنان و توركیا خنكان، دۆزرایەوە. لەئێستاشدا تەرمەكانیان لە دوورگەی سامسۆن دانراون، تاوەکو ڕەوانەی هەرێمی کوردستان بکرێنەوە.

 

وێنە گەورەكە: ڕۆژی پێنجشەممە 28/ 11/ 2024، لە دەریای ئیجەی نێوان توركیا و یۆنان، بەلەمێكی كۆچبەران كە 35 كەسی تێدابوو، ژێرئاو كەوت و لەئەنجامدا پێنج كۆچبەر خنكان كە دووانیان كورد بوون، قوربانییەکان ژن و منداڵێكی خەڵكی شارۆچكەی چەمچەماڵن، دوو هاووڵاتی دیكەی هەرێمی كوردستانیش كە لە ناو بەلەمەكە بوون، رزگاركران.

 

لێدوانی فەرمی: بەگوێرەی دەزگای لوتكە بۆ كاروباری ئاوارە و پەنابەران، شەوی ڕابردوو تەرمی ئەو دایك و منداڵەی كە دانیشتووی چەمچەماڵ بوون و لە ئاوەكانی ئیجە خنكان، دۆزرایەوە.