کونسوڵی ئیتاڵیا بۆ سەرۆکوەزیران: خوازیاری پەرەپێدانی پەیوەندییەکانی نێوانمانین

ئاڤا نیوز

 

سەرۆکوەزیران مەسرور بارزانی، پێشوازیی لە کونسوڵی گشتیی ئیتاڵیا لە هەرێمی کوردستان کرد.

 

وێنە گەورەکە: ئەمڕۆ شەممە، سەرۆکوەزیران بارزانی، پێشوازی لە کونسوڵی گشتیی ئیتاڵیا لە هەرێمی کوردستان کرد و پەرەپێدانی پەیوەندییەکانی نێوانیان تاوتوێ کران.

 

ڕاگەیێنراوی فەرمی: سەرۆکوەزیران پێشوازی لە میکێلێ کامێرۆتا، کونسوڵی گشتیی ئیتاڵیا لە هەرێمی کوردستان کرد، بەبۆنەی کۆتاییهاتنی ئەرکەکەی، هاوکات سوپاسی کونسوڵی گشتیی ئیتاڵیای کرد بۆ ئەو ماوەیەی کاری بۆ بەرەوپێشبردنی پەیوەندییەکانی وڵاتەکەی لەگەڵ هەرێمی کوردستان کردووە و هیوای سەرکەوتنیشی لە ئەرکی داهاتووی بۆ خواست.

 

ئەمەش بزانە: میکێلێ کامێرۆتا، کونسوڵی گشتیی ئیتاڵیا پێزانینی بۆ هاریکاری و هاوئاهەنگیی دامەزراوەکانی حکومەتی هەرێمی کوردستان دەربڕی و خواستی وڵاتەکەی بۆ پەرەپێدانی زیاتری پەیوەندیی دوولایەنە دووپات کردەوە.